د پکتیکا د کرنې رياست مسوولين وايي چې د مخدراتو کښت د مخنیوي په موخه یې پدغه ولایت کې د ګڼو کرنیزو پروژې د تطبیق لپاره بېلابېلې طرحې لري.
د کرنې رئيس٬ ابوبکر وویل"د NHLP او نورو برنامو له لارې یې پر ګڼو بزګرانو د مېوه لرونکو ونو نیالګي، د زعفرانو تخمونه او د چرګو فارمونه وېشلي دي او دغه لړۍ لا هم روانه ده."
ابوبکر زياتوي، د مخدراتو د حرام کښت مخنيوي په موخه یې خلکو ته د عامه پوهاوي، روا او قانوني کښتونو سپارښتنې کړې.
ابوبکر وویل "غواړو د پکتیکا په لېرو پرتو ولسوالیو کې چې امنیتي وضعیت یې ښه ندی او ممکن د چرسو بوټي پکې کرل کېږي، خپل پروګرامونه وغځوو او هغوی حلال کښت ته وهڅوو."
یاده دي وي چې پکتیکا کې د نشه يي توکو سره د مبارزې ریاست د خلکو له سختو نیوکو سره له دې کبله مخ شو چې په دې روستیو کې يې فعالیتونه کم رنګه شوي دي.
