د لاس رسي وړ اتصالات

نړۍ کې د کرونا ویروس له کبله د مړو شمېر تر ۶ میلیون کسانو واوښت 


د کرونا ویروس له کبله تر ټولو ډېر انسانان په امریکا کې مړه شوي

د امریکا د متحدو ایالتونو کې د جانس هاپکینز د کروناویروس د منابعو مرکز وايي چې د کرونا ویروس له کبله په نړۍ کې د مړه شویو انسانانو شمېر تر شپږ میلیون واوښت.

د دغه مرکز په رسمي ویبسایټ کې لیکل شوي دي چې د دوشنبې تر سهار مارچ اوومه (کب ۱۶) پورې په نړۍ کې د دغه ویروس له «۶۰۰۰۹۳۶» مړه شوي‌ دي.‌ دا شمېره شېبه په شېبه بدلېږي.

د نورو هېوادونو په پرتله د کرونا ویروس د امریکا په متحدو ایالتونو کې ډېر کسان مړه کړي چې شمېره یې نژدې ۵۹۰زرو ته رسیږي.

د جانس هاپکینز د کروناویروس د منابعو د مرکز د معلوماتو په اساس دا مهال په نړۍ کې څه باندې ۴۴.۶ میلیون انسانان په دغه ویروس اخته شوي‌دي.

سره له دې چې د کرونا ویروس ضد واکسینونه هم وتلي ‌او میلیونونه کسان واکسین شوي دي،‌ خو د دغه ویروس له خپرېدو راهېسې نژدې درې کاله کېږي.

د کرونا ویروس په لومړي ځل د ۲۰۱۹ په ډسمبر کې د چین د ووهان په ایالت کې پیدا او ډېر ژر نورې نړۍ ته خپور شو چې ورسره کارونه او ژوند چارې ګډوډې شوې.

خو د ویروس له تولید وروسته د ډاکټرانو په وینا د کرونا له کبله د مړینې کچه پام وړ کمه شوې ده او ژوند هم د امریکا په ګډون د نړۍ په ډېرو هېوادونو کې عادي حالت ته ګرځېدلی او د کرونا له کبله لګول شوي‌ بندیزونه هم یا ختم شوي‌او یا مخ په ختمېدو دي.

خو دا معلومه نه ده چې دا ویروس به تر کومه وي.

XS
SM
MD
LG