د افغانستان دفاع وزارت وايي په کندز ولایت کې د افغان سرتیرو او طالبانو ترمنځ نښته کې ۱۵ وسله وال طالبان او څلور د ملي اردو سرتیري وژل شوي دي.
دفاع وزارت نن سې شنبه جنورۍ ۱۹( مرغومې ۳۰) په یوې اعلامیې کې ویلي چې یاده نښته تیره شپه د کندز (باغ شرکت) او دشت ارچي ولسوالیو کې شوې ده.
په اعلامیه کې راغلي چې طالبانو پر امنیتي پوستو بریدونه کړي وو چې د افغان امنیتي ځواکونو لخوا پر شا وتمبول شول: "د امنیتي او دفاعي ځواکونو په متقابلو ډزو کې ۱۵ وسله وال طالبان وژل شوي او ۱۲ نور ټپیان شوي، په دغه نښته کې د ملي اردو څلور سرتیري هم شهیدان شوي دي."
د دشت ارچي ولسوال محمد نبي کاکړ هم پر امنیتي پوستو برید تاییدوي مګر د تلفاتو په اړه څه نه وايي.
وسله والو طالبانو هم د (باغ شرکت) جګړې مسؤلیت منلی او ۱۸ امنیتي سرتیرو ته یې د مرګ ژوبلې اړولو دعا کړې ده.
