د لاس رسي وړ اتصالات

د پاکستان له فضا څخه هند ته د افغانستان الوتنې بیا پیلیږي


د کابل نړیوال هوايي ډګر

د ملکي هوايي چلند ملي اداره وايي، چې د کابل - ډهلي الوتنې به د مارچ له یوولسمې نیټې وروسته د پاکستان له هوايي فضا بیرته عادي حالت ته ستنې شي او د ټکټونو په بیه به هم راکمه شي.

له تېرو نهو ورځو راهیسې چې د پاکستان فضا د افغان الوتکو په مخ بنده ده، له کابل نه نوي ډهلي ته د الوتنو د ټکټونو بیه دوه چنده شوې ده.

د بیو د زیاتوالي ترڅنګ دوو هندي هوايي شرکتونو هم کابل ته له ډهلي نه الوتنې ځنډولي دي.

د ملک اکسپریس په نوم د یو سیاحتي شرکت مشر وايي، چې هند ته د تلوونکو مسافرینو لپاره په ټکټونو کې د بیې زیاتوالی له ۲۱۰ امریکايي ډالرو څخه تر ٣٥٠ ډالرو پورې دی.

محمد زیت الله چې د همدې شرکت مشر دی وايي، د مسافرینو تګ راتگ هم کم شوی دی.

د فبرورۍ په وروستیو کې د هند او پاکستان ترمنځ له جنجال وروسته د پاکستان فضا د افغان الوتنو په مخ وتړل شوه. هند یو له هغو ملکونو دی، چې زیات شمېر افغانان ورته سفر کوي او تر ډېره دغه مسافرین د درملنې یا کار لپاره هند ته درومي.

یو شمېر مسافرین چې هند ته تګ کوي وايي، دا لوړې بیې ورته خورا زیاتې دي.

د ملکي هوايي چلند د ادارې مسؤلین وايي، چې په پام کې وه، د مارچ په اتمه هند ته الوتنې بیرته عادي حالت ته وګرځي خو دا کار ونشو او بیا په پام کې ده، چې د مارچ په ١١ الوتنې عادي حالت ته ستنې شي.

هند ته د الوتنو بیا پیل
please wait

No media source currently available

0:00 0:01:57 0:00

XS
SM
MD
LG