د لاس رسي وړ اتصالات

افغانستان کې د کرونا ویروس ۲۰ نورې مثبتې پېښې ثبت شوي


افغانستان کې د کرونا ویروس د ټولو مثبتو پېښو شمېر ۳۸۳۲۴ته ورسېد.

د افغانستان د عامې روغتیا وزارت وايي، په تیرو ۲۴ ساعتونو کې په هیواد کې د کرونا ویروس ۲۰ نورې مثبتې پېښې ثبت شوي دي.

روغتیا وزارت نن شنبه سپټمبر۵(وږې۱۵) ویلي چې په تېرو ۲۴ ساعتونو کې د کرونا ویروس د ۲۳۱ مشکوکو سمپلونو معاینات شوي چې ۲۰ یې مثبت ثابت شوي دي.

له یادو پېښو څخه ۷ په هرات، ۵ کندهار، کندز،۱ غور، ۱ لغمان، ۱ کونړ او ۲ په فراه ولایت کې ثبت شوي دي.

د افغانستان د روغتیا وزارت د معلوماتو په اساس په دې سره په دغه هیواد کې د کرونا ویروس د ټولو مثبتو پېښو شمېر ۳۸۳۲۴ته ورسېد.

په تیرو ۲۴ ساعتونو کې په افغانستان کې د کرونا ویروس له امله د مړینې راپور نه دی ورکړل شوی. د تېرې اونۍ د معلوماتو په اساس د کرونا له امله د مړینې شمېر ۱۴۰۹ تنه دی.

همدارنګه په تېرو ۲۴ ساعتونو کې په کابل او کندهار کې له کرونا ویروس څخه ۳۶۹ تنه جوړ شوي چې په دې سره د ټولو بیرته روغ شوو کسانو شمېر ۳۰۰۷۷ته پورته شوو.

کرونا ویروس د لومړي ځل لپاره د ۲۰۱۹ کال په ډسمبر میاشت کې د چین هیواد د هوبي ایالت په ووهان ښار کې پیدا شوو.

د امریکا د جانس هپګینز پوهنتون د معلوماتو په اساس تر دا مهاله په نړۍ کې څه باندې ۲۶ میلیونه کسان په کرونا اخته شوي او څه باندې ۸۷۴زره نور ورڅخه مړه شوي دي.

XS
SM
MD
LG