د افغانستان د عامې روغتیا وزارت په ۲۴ ساعتونو کې د هیواد بېلا بېلو ولایتونو کې د کرونا ویروس د ۱۲۷۳ مثبتو پېښو ثبتېدو خبر ورکړی د ی.
روغتیا وزارت نن شنبه جون پنځمه (غبرګولې ۱۵) ویلي چې په تیره شپه او ورځ کې د کرونا ویروس د ۳۳۴۶ سمپلونو معاینات کړي چې ۱۲۷۳ مثبت و.
د وزارت د معلوماتو په اساس د نویو ارقامو په ثبتېدو سره په افغانستان کې د کرونا د ټولو ثبت شویو مثبتو پېښو شمېر ۷۹۲۳۶ ته ورسېد.
همدارنګه په تیرو ۲۴ ساعتونو کې په افغانستان کې د کرونا له امله ۴۱ ناروغان مړه شوي چې په دې سره د کرونا له امله د ټولو مړو شمېر ۳۱۴۵ ته پورته شو.
د افغانستان د روغتیا وزارت ویلي چې په تېره شپه او ورځ کې له کرونا ویروس څخه ۱۴۰تنه بېرته روغ شوي چې دې سره د ټولو بیرته روغ شویو کسانو شمېر ۵۸۲۶۵ ته لوړ شو.
کرونا ویروس د لومړي ځل لپاره د ۲۰۱۹ کال په ډسمبر میاشت کې د چین د هوبي ایالت په ووهان ښار کې پيدا شو.
د امریکا د جانس هاپګینز پوهنتون د معلوماتو په اساس تر دا مهاله په ټوله نړۍ کې څه باندې ۱۷۲میلیونه وګړي ورباندې اخته شوي چې له دې شمېرې څه باندې درې میلیونه او ۷۱۲زره مړه شوي دي.
