سپینې ماڼۍ څو شېبې مخکې امریکا غږ ته ویلي چې متحدو ایالتونو د هرمز تنګي د محاصرې بهیر پیل کړی دی.
د متحدو ایالتونو ولسمشر ډونالډ ټرمپ د یکشنبې په ورځ [اپرېل ۱۲مه] اعلان کړی چې هېواد به یې په "لنډ وخت" کې د هرمز تنګي محاصره کول پیل کړي څو لدې ستراتیژیکې لارې د کښتیو د تګ راتګ مخه ونیسي.
د سپینې ماڼۍ یوې باخبرې سرچینې د دوشنبې په ورځ [اپرېل ۱۳مه] امریکا غږ ته ویلي چې محاصره د ولسمشر ډونالډ ټرمپ د ژمنې سره سم د واشنګټڼ ډي سي په وخت، د دوشنبې د سهار په لسو بجو پیل شوې ده.
ولسمشر ټرمپ هم په ټروټ سوشل ټولنیزې شبکې کې د سهار په ۱۰:۲۳ یوه لیکنه خپره کړې او ایران ته یې د محاصرې په بهیر کې د نه مداخلې خبرداری ورکړی دی.
سپینه ماڼۍ وایي چې امریکایي، ایراني او پاکستاني چارواکي د شنبې په ورځ (اپریل ۱۱مه) په اسلام اباد کې درې اړخیزه غونډه کوي.
سپینې ماڼۍ په قطر او د نورو هېوادونو په بانکونو کې د امریکا د متحدو ایالتونوو لخوا د ایران د کنګل شویو شتمنیو د ازادولو په اړه د ځېنو رسنیو راپورونه رد کړي دي.
د امریکا د متحدو ایالتونو د ولسمشر مرستیال جې ډي ونس د ایران له رژیم سره د خبرو اترو په موخه د یوه پلاوي په مشري د پاکستان پلازمینې اسلام آباد ته رسیدلی دی.
