د لاس رسي وړ اتصالات

ایران یو اسرائیلی د جاسوسۍ په تور په اعدام محکوم کړ


تصویر له ارشیف څخه اخیستل شوی او په دې خبر پورې اړه نلري

ایراني چارواکي وايي د اسرایلو هغه وکړی یې په اعدام محکوم کړ چې په خبره یې د لسګونو ایراني مهمو چارواکو په اړه یې جاسوسي کوله.

د ایران قضایه قوې ویب پاڼې – میزان انلاین – د تهران د څارنوال عباس جعفري دولت آبادي له قوله لیکلي دي چې مشکوک کس د شاوخوا دیرشو ایراني اشخاصو په هکله معلومات د اسرائیل د استخباراتو ادارې – موساد – ته ورکړیدي.

پدې دیرشو کسانو د اتومي علومو د انجینر ماجد شهریاري او فزیک پوه مسعود علي محمدي نومونه هم دي چې په ۲۰۱۰ کال کې د بم په چاودنو کې ووژل شول.

په محکوم دا تور هم دی چې د اسرائیلو د استخباراتو د ادارې د اتو غړیو سره یې څو ځله کتلي دي.

د میزان انلاین په خبر کې د هغو دیرشو کسانو په هکله چې مشکوک شخص یې د اسرائیل استخباراتو ته په هکله معلومات ورکړي، ویل شوي چې د څیړنې، پوځ او اتومي پروژو کې کار کاوه.

په خبر کې همدارنګه ویل شوي چې مشکوک شخص د اسرائیل استخباراتو ته معلومات د پیسو او په سویډن کې د میشت کیدو په بدل کې ورکړیدي خو نور جزیات یې ندي ورکړي.

XS
SM
MD
LG