د افغانستان د کرکټ د ملي لوبډلې تیز توپ اچوونکی حمید حسن وايي د پخوا په څیر تیز توب اچوي.
د سکاټلنډ سره د دوه سیالیو په یوه ورځنۍ لوبه کې د حمید حسن لوبه کول د هغه مینه والو ته لوی خبر و.
حمید حسن، چې د کریکټ په جهان کې نن سبا په "رامبو" هم شهرت لري، د افغانستان د کریکټ د ملي ټیم هغه تیز بالر د چې په ۲۰۱۲ کال کې په دوبۍ کې د انګلنډ د ټیم په وړاندې په فیلډینګ وخت کې يي زنګون سخت ټپي شو.
حمید حسن د یکشنبې په ورځ (می۱۲) د اشناتلویزیون سره په ځانګړې مرکه کې وویل چې د خدای په رحم او په خپلې ټینګې ارادې بیرته روغ رمټ لوبو ته ستون شوی او هیله مند دی چې په هرې سیالۍ کې به ښه لوبه وکړي.
حمید حسن وایي د سکاټلنډ سره په وروستۍ سیالۍ کې د خپلو لسو اورونو په پوره کولو ډير خوشحاله شوی چې هیڅ تکلیف يي پکې نه درلود.
د حمید حسن تازه مرکه دلته لیدلی شئ:
