د لاس رسي وړ اتصالات

کارپوهان: ناټو د چین زیاتیدونکي ګواښونه څاري


د ناټو سازمان مشرانو د ډسبمر په څلورمه په لندن کې غونډه وکړه

ډیری کارپوهان وايي په لندن کې د ناټو د وروستۍ غونډې په زړه پورې خبر دا وو چې ددې سازمان غړو د لومړي ځل لپاره چین د یوه ګواښ په توګه وباله.

دوی زیاتوي، ناټو د بیجینګ له هغو اهدافو سره مخالفت وښود چې غواړي د امریکا له پوځ سره سیالي وکړي ، د ټکنالوژۍ واوي کمپنۍ په نړۍ کې د ټکنالوژي په صنعت کنټرول ولري او د نړۍ اکثریت نفوس د یو کمربند یوې لارې له طریقه ونښلوي.

د ناټو سازمان پخوانی لوړ پوړی قوماندان متقاعد جنرال جیمز کونز وايي چې په لندن کې د ناټو سازمان برخه والو منلې ده چې چین حتي له پخواني شوروي اتحاد څخه هم ددغه اتحاد یو قوي سیال دی.

ښاغلي کونز وویل:"د چینایانو ستراتژیک هدف پر خپلو خلکو او د نړۍ پر هغو خلکو تسلط دی چې هغوی ورته لاسرسی لرلی شي. هغوی زمونږ په اقتصادي سیستمونو کې د ننوتلو او پانګه اچولو له لارې دغه کار په ماهرانه توګه ترسره کوي. په ورته وخت کې هغوی په اغیزناک ډول سایبري جاسوسي او د فکري مالکیت غلا کوي."

چین غواړي د ټکنالوژۍ د لوی واوي شرکت په مرسته د یویشتمې پیړۍ ډیجیټلي زیربنا تر کنټرول لاندې راولي.

کارپوهان: ناټو د چین زیاتیدونکي ګواښونه څاري
please wait

No media source currently available

0:00 0:02:17 0:00

د ناټو پخوانی اعلی قوماندان وسلي کلارک وايي چې ناټو باید د چین د هغې هڅې پرخلاف یو دفاعي پلان جوړ کړي چې د نړیوالې برترۍ لپاره یې کوي.

ښاغلي کلارک زیاته کړه: " دا د امریکا لپاره ګټه نه لري چې د ټکنالوژۍ په برخه کې پر چین فشار واچوي او بیا جرمني، فرانسه او یا د ناټو نور متحدین هماغه تکنالوژی پر چین وپلوري. دا زمونږ لپاره یو ازمایښت دی چې پکې بریالی کیدلای شو."

بیجنګ ته د زیات پام اړولو په اړه د واشګټن غوښتنې د اروپا په هغو اکثریت هیوادونو کې مثبت غبرګون رامنځته کړی چې د چین د اقتصادي، پوځي او سایبري ټکنالوژۍ ودې په اړه زیاتیدونکې اندیښنې لري.

د ناټو سرمنشي ینس ستولتیبرګ په ډسمبر میاشت کې د ناټو په غونډه کې د لومړي ځل لپاره وویل د هغو ستونزو او فرصتونو په اړه خبري کوي چې چین یې پيښوي. هغه زیاته کړه ټول موافق دي چې باید ددې موضوع په اړه ګډ کار وشي.

XS
SM
MD
LG