د سوریې حکومت پلان لري چې د یاغیانو تر کنټرول لاندې د ادلیب ولایت د بیرته نیولو لپاره عملیات وکړي، خو د سوریې لپاره د ملګرو ملتو ځانګړي استازي ویلي دي چې د دواړو خواو له خوا د کیمیاوي وسلو کارول به و نه مني.
هغه همداراز د سوریې له حکومت وغوښتل چې د عملیاتو څخه مخکې ملکي خلکو ته له ادلیب څخه د وتلو اجازه ورکړي.
ملګرو ملتونو له روسیې، ایران او ترکیې څخه غوښتي چې دغه عملیات ودروي چې له امله یې ښايي میلیونه خلک اغیزمن شي.
خو د جمعې په ورځ د روسیې د بهرنیو چارو وزیر سرګې لاوروف وویل چې د سوریې حکومت حق لري چې له ادلیب څخه یاغیان وشړي او دا چې د ملکي کسانو د ایستلو لپاره د دهلیزونو د رامنځته کولو لپاره خبرې روانې دي.
له بلې خوا ټاکل شوې چې د روسیې، ایران او ترکیې مشران د سپتمبر په اومه په تهران سره وگوري او د سوریې د جگړې په اړه خبرې وکړي.
د ادلیب په اړه د روسیې او لویدیځ ترمنځ هم کرکیچونه رامنځته شوي دي. د جمعې په ورځ د روسیې د دفاع وزارت اعلان وکړ چې د مدیراتې په سمندرګي کې به سمندري تمرینونه پیل کړي.
