ایران د چهارشنبې په ورځ پر قطر او متحده عربي اماراتو باندې نوي توغندیز او د بېپیلوټه الوتکو بریدونه ترسره کړل. دا پداسې حال کی ده چې ترکیه هم د ایران د بالستیک توغندي هدف وګرځېده.
د متحده عربي اماراتو د دفاع وزارت وویل چې ځواکونو یې د ایران له لوري د توغول شویو ۱۲۸ بېپیلوټه الوتکو څخه ۱۲۱ الوتکو بریدونه خنثی کړي دي او درې توغندي شنډ شوي دي.
د قطر د دفاع وزارت راپور ورکړ چې د چهارشنبې په ورځ یې د ایران لس بېپیلوټه الوتکې او دوه کروز توغندي وویشتل او له منځه یې یوړل.
د سیمې پر ضد د ایران هوايي بریدونه تر ترکیې وغځېدل
د امریکا د متحدو ایالتونو د کورني امنیت وزیرې کرستي نوم د مارچ په درېیمه نېټه، د امریکا د کانګرس د قضایه کمېټې په استعماعیه غوڼده کې برخه واخیسته او د هغوي پوښتنو ته یې ځوابونه وویل.
دا غونډه د کورني امنیت وزارت پر فعالیتونو د څار په موخه جوړه شوې وه، خو د بحث مهمه برخه امریکا ته د انتقال شویو افغانانو د اسنادو او امنیتي ارزونې موضوع وه.
په ۲۰۲۱ کال کې د افغانستان څخه د امریکایي ځواکونو تر وتلو وروسته، زرګونه افغانان د ځانګړو پروګرامونو له لارې امریکا ته ولېږدول شول.
د امریکا د کورني امنیت وزارت: د راغلو افغانانو د ارزول شویو دوسیو بیا څېړل دوام لري
حزب الله د سې شنبې په شپه د اسرائیل په تل ابیب او حیفا سیمه راکټونه وویشتل، چې دا په دې اونۍ کې دوهم ځل دی چې د ایران ملاتړې ترهګرې ډلې د نومبر ۲۰۲۴ کال له اوربند راهیسې اسراییل په نښه کوي.
د لبنان ولسمشر جوزف عون د سعودي عربستان، قطر، متحده ایالاتو، فرانسې او مصر سفیرانو ته وویل چې حزب الله د لیتاني سیند د شمال له سیمو څخه راکټونه توغولي دي.
د اسرائیل پوځ اعلان وکړ چې د دوشنبې راهیسې یې په لبنان کې له ۲۵۰ څخه زیات هدفونه یې په نښه کړي دي، چې په کې د توغندیو د ویشتلو ځایونه، د وسلو ډیپوګان او د قوماندې مرکزونه شامل دي.
د اسرائیل پوځ د ایکس په ټولنیزو رسنیو کې په یوه پوسټ کې اعلان وکړ چې سرتیري یي "د پرمختللي دفاعي حالت د یوې برخې په توګه سرحدي سیمې ته نږدې په څو ځایونو کې ځای پر ځای شوي دي" او "د حزب الله د ترهګریزو زیربناوو په وړاندې هدفمنده بریدونه" کوي.
سپینه ماڼۍ وایي چې څه باندې نهه زره امریکایي وګړي په خوندي توګه له منځني ختیځ څخه بېرته متحدو ایالتونو ته راستانه شوي دي. د سپینې ماڼۍ د معلوماتو له مخې، په دې کسانو کې څه باندې ۳۰۰ تنه یې له اسرائیل څخه راستانه شوي دي.
واشنګټن په داسې حال کې له سیمې څخه د امریکایي وګړو پر ایستلو کار کوي چې ترکیې ویلي یو ایراني میزایل یې شنډ کړی دی.