د لاس رسي وړ اتصالات

د افغانستان کرکټ بورډ له امریکا غږ سره تړون وکړ


د افغانستان کرکټ بورډ امریکا غږ وستایله چې د کرکټ په پرمختګ کې مرسته کوي

د افغانستان د کرکت بورډ او امریکا غږ د نړیوالې ادارې ترمنځ په کابل کې د شپږیزې د را روانو سیالیو لپاره تړون لاسلیک شو.

د تړون له مخې به امریکا غږ د افغانستان کرکټ بورډ ته ۸۰زره امریکایي ډالر ورکوي او کرکټ بورډ به د ۲۰۱۷ کال د شپږیزې کرکټ لیګ سیالیو کې د امریکا غږ یو لړ اعلانونه خپروي.

دا اعلانونه به د لوبو پر مهال په میدان کې ځړول کیږي چې د امریکا غږ راډیو تلویزون، ویپاڼې او فیسبوک اړوند اعلانونه به په کې خپریږي. ځینې اعلانونه به یې ډیجیټلي هم وي.

د کرکټ بورډ مشر عاطف مشعل د دواړو ادارو ترمنځ دا تړون د افغانستان د کرکټ د پرمختګ لپاره مهم ګامل وباله. ښاغلي مشعل امریکا غږ وستایه چې د افغانستان د کرکټ د پرمختګ لپاره پانګونه کوي.

هغه امریکا غږ اشنا ته وویل "د افغانستان د کرکټ بورډ د امریکا غږ له راډیو تلویزون سره یو هوکړه لیک لاسیک کړ، چې په نتیجه کې به یې امریکا غږ د افغانستان کرکټ بورډ ته ۸۰زره ډالر کومک کوي او مقابل کې به کرکټ بورډ دوی ته په ۲۰۱۷ کال کې په شپیږیزې لیګ کې د تبلیغاتو زمینه برابروي. دا یو نیک قدم دی. زه د امریکا غږ د ادارې د رهبرۍ نه مننه کوم چې په دې برخه کې یې سرمایه ګزاري وکړه، که داسې ټول ادارات د کرکټ د پرمختګ لپاره، د خپلو تبلیغاتو لپاره له موږ سره کومک وکړي دا به د کرکټ په پرمختګ کې مهم رول ولوبوي".

دا تړون د یکشنبې په ورځ ( اګست ۲۰) په کابل کې د افغانستان د کرکټ بورډ په عمومي دفتر کې لاسلیک شو.

تېرکال هم د امریکا غږ له کرکټ بورډ سره د شپږیزې لیګ سیالیو کې همداسې یو قرار داد کړی و. د شپږیزې کرکټ لیګ سیالۍ د افغانستان د ۲۰ اورونو تجارتي کورنۍ سیالۍ دي چې د کرکټ له نړیوالې شورا سره رسمي دي.

دا سیالۍ په یو سیمه ییز تلویزون هم ښودل کیږي، په دغو سیالیو کې د افغانستان د کرکټ د ملي لوبډلې ټول لوبغاړي لوبیږي، تېرکال ځینې بهرني لوبغاړي هم وربلل شوي وو او ټاکل شوې چې سږکال هم ځینې نړیوال لوبغاړي ورشي.

  • 16x9 Image

    جعفر هاند

    جعفر هاند په ۲۰۱۷ کې په واشنګټن ډي سي کې په امریکايي پوهنتون کې په نړیوالو مطبوعاتو او اړیکو کې ماستري کړې ده. لومړۍ ماستري یې په ۲۰۱۳ کال کې (له لېرې واټن- Distance Learning) د هند په اندرا ګاندي پوهنتون کې په سیاسي علومو کې کړې ده. د ننګرهار په پوهنتون کې یې قضا لوستې ده. له ۲۰۰۷ نه تر ۲۰۱۴ کاله پورې د بي بي سي د نړیوالې او افغان څانګې خبریال او پروډیوسر و. د ۲۰۱۴ کال له پیل راهیسې په واشنګټن کې د امریکا غږ اشنا راډیو/تلویزون خبریال دی. 

XS
SM
MD
LG