د افغانستان د کرنې، اوبو لګونې او مالدارۍ وزارت وايي چې په روان کال کې په پکتیا ولایت کې ۹۰۰ ټنه شات تولید شوي دي.
د دغه وزارت چاوراکي وايي چې په پکتیا کې اوس د شاتو مچۍ یو ۴۵۰ فارمونه (نیږدې ۱۰۰ زره صندوقه) فعالیت کوي.
د کرنې وزارت ویاند اکبر رستمي نن جمعه ډسمبر ۱۸ (لیندۍ۲۸) امریکا غږ ته وویل:"فارم لرونکو ته د افتونو او ناروغیو پر ضد درمل ویشل شوي او هغوی ته په دې اړه عامه پوهاوی هم ورکول شوی دی."
رسمتي زیاته کړه چې په پکتیا کې د شاتو د تولید دغه کچه تېرو کلونو ته په پرتله په بیساري ډول زیاتوالی ښيي.
د کرنې وزارت د معلوماتو پر بنسټ په پکتیا کې د شاتو بیلابیل ډولونه لکه شونشوبي، لاچي، سپېرکۍ، او سنځله تولیدیږي.
شات مهم دارويي او خوارکي ارزشت لري چې افغانستان کې کیفیت د سیمې هېوادونو د شاتو کیفیت په پرتله لوړ ښودل شوی دی.
