د هرات والي سید عبدالوحید قتالي وايي له تیرو ۵۴ ورځو راهیسې په هرات کې د کروناویروس ناورین له کبله خلک ستړي شوي ځکه چې د دوي ورځینی ژوند یې ګډوډ کړی دی.
ښاغلي قتالي امریکا غږ سره په یوې ځانګړې مرکه کې وویل چې په هرات کې د ګرځبندیز له پیلیدو سره خلک له ستونزو سره مخ شوي دي او د خوراکي توکو له کمښت او بې روزګارۍ سر ټکوي.
د هرات والي خبرداری ورکړ چې د شته ستونزو سربیره که خلک د کرونا ویروس جدي ونه ګڼي، ممکن د نورو هیوادونو په څیر انساني ناورین رامنځ ته شي.
د هرات والي په داسې وخت کې د کرونا ویروس له کبله خبرداری ورکوي چې څه موده مخکې په زرګونو افغانان له ایران څخه پرته له دې چې معاینات یې وشي او قرنطین شي، افغانستان ته راغلل.
خو د هرات والي وايي چې اوس له ایران سره پر پوله د ټولو هغو کسانو ازموینه کوي چې افغانستان ته راځي.
د هرات والي سید عبدالړحید قتالي سره د اشنا تلویزون د خبریالې ګالیا رڼا نورستانۍ مرکه دلته کتلی شئ:
